Գեղարքունիքի մարզպետի ղեկավարած պատվիրակությունը հանդիպումներ է ունենում Ֆրանսիայի Իզերի մարզի տուրիզմի ոլորտի ներկայացուցիչների հետ

2019-11-08 11:40:21

Հայաստանի Հանրապետության Գեղարքունիքի և Ֆրանսիայի Հանրապետության Իզերի մարզերի միջև ապակենտրոնացված համագործակցությունն էլ ավելի զարգացնելու և համագործակցության նոր հուշագիր ստորագրելու նպատակով նոյեմբերի 5-8-ը Իզերի Դեպարտամենտալ խորհրդի հրավերով Գրենոբլ է մեկնել Գեղարքունիքի մարզպետ Գնել Սանոսյանի ղեկավարած պատվիրակությունը, որի կազմում են Գեղարքունիքի մարզպետի օգնական Նարեկ Մանուկյանը, Գեղարքոունիքի մարզպետարանի զարգացման ծրագրերի, զբոսաշրջության և վերլուծության բաժնի վարիչ, Իզեր-Գեղարքունիք համագործակցության ծրագրերի համակարգող Վարդուհի Մնացականյանը, Սևանի քաղաքապետարանի ներկայացուցիչներ՝ քաղաքապետ Սարգիս Մուրադյանի ղեկավարությամբ:
Նոյեմբերի 6-ին պատվիրակության ներկայացուցիչները հյուրընկալվել են «ԱՖՐԱՏ» տուրիստական ընկերությունում, որտեղ կազմակերպության տնօրենը և ներկայացուցիչները խոսել են «ԱՖՐԱՏ»-ի առաքելությունների, քայլարշավային երթուղիների, բնապահպանական տուրիստական գործունեության,Վերկորի բնական մարզային պարկի դերի մասին: Այնուհետև կազմակերպվել է քայլարշավ և մտքերի փոխանակում տուրիստական ծրագրերի պատասխանատուների մասնակցությամբ: Գեղարքունիքի մարզի պատվիրակությունը հյուրընկալվել է նաև Կուվի հյուրատանը, որտեղ քննարկվել են տուրիզմի ոլորտին առնչվող մի շարք թեմաներ: Այցելության վերջին կանգառը եղել է Վերկորում՝ Օտրան և Մեոդր համայնքների տուրիստական գրասենյակներում, որտեղ տեղի են ունեցել հանդիպումներ և մտքերի փոխանակում մի շարք թեմաների շուրջ:




Քաղաքականություն

Կորոնավիրուսի պատճառով ԵԽ նախագահի հետ հանդիպումը սկսում ենք առանց ձեռքսեղմման. Փաշինյանը՝Բրյուսելում

«Աշխատանքային այցով Բրյուսելում եմ։ Բելգիայում տարածվող կորոնավիրուսի պատճառով Եվրոպական խորհրդի նախագահ Շառլ Միշելի հետ հանդիպումը սկսում ենք առանց ձեռքսեղմման»,- ֆեյսբուքյան իր էջում գրել է վարչապետ Նիկոլ Փաշինյանը:

Ավելին »