ԻՆՉՊԵՍ ՍԵՊՏԵՄԲԵՐԻ 1-Ը ԴԱՐՁՆԵԼ ԱՆՄՈՌԱՆԱԼԻ

2018-08-31 07:14:57

 

 

Դպրոցականներին սեպտեմբերի 1-ին լուսանկարելը պարտադիր պայման է, ու ծնողներն անգամ հատուկ լուսանկարիչներ են վարձում իրենց գործը թեթևացնելու համար: ՄԵԳԱՊՈԼԻՍԸ օգնության ձեռք է մեկնում թե ծնողներին, և թե այն լուսանկարիչներին, ովքեր չգիտեն ճիշտ լուսանկարել և թարգմանաբար Ձեզ է ներկայացնում adme.ru-ի խորհուրդները:

 

1. Լուսանկարեք դետալները

Անպայման խոշոր պլանով լուսանկարեք դետալները՝ դպրոցական համազգեստը, առաջին դպրոցական ուսապարկը, տետրերն ու այլ գրենական պիտույքները: Այդպիսի մանրուքները հիշողությունից ջնջվում են ու տարիներ անց հետաքրքիր կլինի հիշել, թե ինչ է իր հետ տարել երեխան դպրոց առաջին օրը:

 

2. Մի մոռացեք առաջին դասարանցու առավոտի մասին

Ուսումնական տարվա առաջին օրը միշտ էլ հուզումնալի է, իսկ առաջին դասարանցիների համար մասնավորապես: Նրանց մոտ կյանքի նոր փուլ է սկսվում և, բնականաբար, նրանք շատ են անհանգստանում այդ առիթով: ՄԻ քանի լուսանկար արեք պատրաստվելու ընթացքում՝ ինչպես է մայրիկն իր աղջկա սանրվածքն անում, կամ ինչպես է հայրիկը որդու թիթեռնիկն ամրացնում: Այդպիսի կադրերը շատ հուզիչ են ստացվում պահի անկրկնելիության և երեխայի անկեղծ զգացմունքների շնորհիվ:

 

3. Անմահացրեք երեխայի տարիքային փուլերը

Որպես օրենք երեխային լուսանկարեք ամեն տարի նույն օրը, ու լավ առիթ կարող է դառնալ սեպտեմբերի 1-ը: Այդպես ավելի տեսանելի կլինի, թե ինչպես է նրա արտաքինը փոխվում:

 

 

4. Դինամիկ կադրեր ստացեք

Մի կենտրոնացեք ստատիկ կադրերի վրա: Մի լուսանկարեք երեխային միայն ուղիղ կանգնած տեսախցիկին նայելիս, այլև՝ շարժման մեջ՝ վազելիս կամ ցատկոտելիս: Այդպիսի կադրերը լի են էմոցիաներով ու դինամիկ են: Որպեսզի լղոզված կադրեր չստացվեն միացրեք համապատասխան ռեժիմը:

 

 

 

5. Մի ստիպեք երեխային ժպտալ

Ծնողները հաճախ ստիպում են իրենց երեխային ժպտալ տեսախցիկի մեջ, ինչի պատճառով էլ լուսանկարները լավ չեն ստացվում, իսկ ժպիտն էլ ավելի նմանվում է ծամածռության: Այնպիսի պահեր ընտրեք, երբ նա անկեղծ ծիծաղում է:

 

6. Ստացեք դպրոցական տրամադրություն

 

Նկարներին համապատասխան «դպրոցական» տրամադրություն հաղորդելու համար երեխային լուսանկարեք դասագրքով կամ օրագրով: Եթե նա առաջին դասարանցի չէ, կարող է սիրելի առարկայի դասագրքի հետ լուսանկարվել. Ով գիտե, միգուցե ապագայում նա մասնագիտանա հենց այդ գծով:

 

7. Մի լուսանկարեք երեխային վերևից

Երբ երեխային նկարում եք վերևից, պատկերում նրա մարմինն անհամաչափ է երևում: Գեղեցիկ կադր ստանալու համար ավելի լավ է լինեք երեխայի հետ նույն մակարդակի վրա:

 

8. Թույլ տվեք երեխային բնական լինել

Պետք չէ նրան ասել որտեղ կանգնի, որտեղ նայի, ինչ անի: Երեխաները հրաշալի են հատկապես իրենց անմիջականությամբ ու կենսական էներգիայով, այնպես որ թույլ տվեք երեխային հիմարություններ ու ծամածռություններ: Դրա շնորհիվ կունենաք վառ ու անկեղծ լուսանկարներ:

 

9. Նկարեք երեխային սեղանի մոտ

Սեպտեմբերի 1-ի առավոտյան խնդրեք երեխային գրասեղանի մոտ նստած  մի բան գրել կամ նկարել: Օգտագործեք գրքեր ու այլ գրենական պիտույքներ: Տանը երեխան չի նյարդայնանա ու հանգիստ կլինի, իսկ դպրոցական նստարանին նստած, այլ մարդկանց ներկայությամբ, հնարավոր է հակառակը լինի:

 

10. Ընտրեք օրգինալ դիտանկյուններ

Կարելի է երեխային լուսնկարել ետևից, երբ նա բարձրանում է դպրոցի աստիճաններով կամ երբ լսում է ուսուցչուհուն: Ո՞վ է ասել, որ երեխան միշտ պետք է նայի տեսախցիկին:

 

 

 

11. Ցուցաբերեք իրական էմոցիաներ

Իհարկե, երեխային պետք է լուսանկարել ծնողների հետ: Ձեր փոքրիկի հետ լուսանկարվելիս ընտրեք պահեր, որպեսզի երևան Ձեր ջերմ փոխհարաբերությունները ու հենց այդ պատճառով էլ պետք չէ լուսանկարվել ձեռք-ձեռքի ու ուղիղ կանգնած: Նկարվեք նրան նայելիս, գրկախառնված կամ համբուրելիս:

 

12. Ընտրեք ճիշտ ծաղկեփունջ

Շատ կարևոր դեր է խաղում ճիշտ ծաղկեփունջը: Մեծ, տոնական փնջերը միգուցե Ձեզ են սազում, իսկ երեխայի ձեռքին ավելի անմիջական ու ներդաշնակ են դիտվում վառ ու փարթամ ծաղիկները:




Բլոգ

ԻՆՉՊԵՍ ՍԵՊՏԵՄԲԵՐԻ 1-Ը ԴԱՐՁՆԵԼ ԱՆՄՈՌԱՆԱԼԻ

Դպրոցականներին սեպտեմբերի 1-ին լուսանկարելը պարտադիր պայման է, ու ծնողներն անգամ հատուկ լուսանկարիչներ են վարձում իրենց գործը թեթևացնելու համար: Իսկ ինչպե՞ս լուսանկարել:

Ավելին »