Այսպիսին ենք հիշում և այսպիսին է եղել մի քանի տասնամյակ առաջ այս պատմական շենքը Երևանի կենտրոնում, Արամի 9 հասցեում՝ Ֆադեյ Քալանթարյանի եկամտաբեր տունը (ճարտարապետ Բորիս Մեհրաբյան), որտեղ 1917-1919 թթ. ապրել է Արամ Մանուկյանը:

ՌՈՒԲԵՆ ՇՈՒԽՅԱՆ 

ՄԵԳԱՊՈԼԻՍ, ՀՈՒՆԻՍԻ 29: Շենքն այժմ ավերակ վիճակում է, ներառված է «Հին Երևան» նախագծի մեջ և սպասում է այդ նախագծի շրջանակներում վերականգնման իր հերթին: 

Պարզվում է՝ 1990-ականներին այս շենքն արդեն իսկ գտնվում էր վթարային վիճակում, և ահա «ԼՎ Արքիթեքթս» արվեստանոցը ճարտարապետ Լևոն Վարդանյանի ղեկավարությամբ կազմել էր վերականգնման նախագիծ և ներկայացրել Կենտրոն թաղապետարան:

Նախագիծը հաստատվել էր և թաղապետարանը պատրաստակամություն էր ստանձնել ֆինանսներ հատկացնել շենքը վերականգնելու համար:

Սակայն այդ գործընթացը կանգնեց, երբ Արարատ Զուրաբյանը դուրս եկավ թաղապետի պաշտոնից։