Մխիթարյան. «Միլանի» հետ խաղից հետո որոշակի վստահություն էինք ձեռք բերել

2018-03-11 22:56:33

Անգլիայի առաջնության 30-րդ տուրում «Ուոթֆորդին» հաղթելուց հետո Լոնդոնի «Արսենալի» հայ կիսապաշտպան Հենրիխ Մխիթարյանը խոստովանել է, որ նախորդ երեք խաղերում պարտվելուց հետո շատ դժվար էր իրենց համար:

 

«Պետք է ուժ գտնեինք ցուցարդելու երկրպագուներին, որ դա պարզապես պատահար էր: «Միլանի» հետ խաղից հետո որոշակի վստահություն էինք ձեռք բերել և դրանից օգտվեցինք այսօր: Շնորհակալություն Պետր Չեխին 11 մետրանոց հարվածից հետո մեզ փրկելու համար: Դա շատ կարևոր էր, քանի որ կարող էր փոխել խաղի ելքը, և մրցակիցը կարող էր նաև երկրորդ գնդակը խփել: Այդ դրվագից հետո ավելի վստահ դարձանք և կարողացանք երրորդ գնդակն էլ խփել:

 

Միշտ վայելում եմ Օբամեյանգի հետ խաղալը, դա յուրահատուկ բան է: Պետք է շարունակենք նման ոգով և որքան հնարավոր է շատ գոլի հեղինակ դառնանք:

 

Մենք միշտ խաղում ենք երկրպագուների համար, շնորհակալություն բոլոր նրանց, ովքեր իսկական ֆանատ են և գալիս են ստադիոն: Նրանց, ովքեր գալիս են ստադիոն միայն հաղթանակների համար, բան չունեմ ասելու»,- ասել է Մխիթարյանը:

 

Հիշեցնենք, որ այդ խաղում 29-ամյա ֆուտբոլիստը դարձել էր գոլի և գոլային փոխանցման հեղինակ:




Սպորտ

ՀԱՂԹՈՂ ԿԱ, ԻՍԿ ԳՈՏԻ՝ ՈՉ

Կայացավ ՄքԳրեգոր – Նուրմագոմեդով մրցամարտը

Ավելին »