Հիմա, քանի դեռ սեխի սեզոնն է ու շուկաներում դեղին, բուրումնավետ պտուղները գրավում են մեզ, խոստանալով անմոռանալի համ թողնել մեր շուրթերին, հարց է առաջանում, իսկ մենք ինչ գիտենք սեխի մասին։

1. Սեխը դդմազգիների ընտանիքի միամյա բույս է ու դրա մոտ ազգակիցներն են դդմիկն ու վարունգը։
2. Սեխի հայրենիքը Աֆրիկան ու Ասիայի հարավ-արևմտյան շրջաններն են։Սեխի ամենահայտնի տեսակներն են պարսկականը, Քասաբան, մուսկատը և Կանտալուպը։
3. Այն բանից հետո, երբ սեխը տարածվեց Եվրոպայում, Ամերիկա տեղափոխվեց իսպանացի գաղթականների կողմից: 15րդ – 16րդ դարերում։
4. Սեխն ունի ծաղկի երկու տեսակ։ Արական սեռի ծաղիկներ ու գեղեցիկ երկսեռ ծաղիկներ, որոնք կոչվում են andromonoecious։
5. Սեխի չափը, ձևը, գույնը, քաղցրությունը ու կեղևի տեքստուրան կախված են սեխի տեսակից։
6. Սեխն աճում է խաղողի վազի պես ու հասնում է 3-4 ամսվա ընթացքում։ Քաղելուց հետո սեխը չի հասնում, վազից կտրվելուց հետո այն նաև այլևս չի քաղցրանում։

7.  Սեխը բավականին սննդարար է, այն պարունակում է С, А և В խմբի վիտամիններ, միներալներ, ինչպես նաև երկաթ ու ֆոսֆոր։

8.  Կալցիումը, որը պարունակում է սեխը, կարող է նորմալացնել զարկերակային ճնշումը, կանոնավորել սրտի աշխատանքը և կանխել նոպաները։

9. Սեխը պարունակում է ցելյուլոզա ու իդեալական է նիհարել ցանկացողների համար։

10  Yubari King սեխերը ամենաթանկն են ամբողջ աշխարհում։ Այն աճեցնում են Ճապոնիայի փոքրիկ տարածաշրջաններից մեկում։ Դա աշխարհին հայտնի ամենահյութալի ու քաղցր սեխի տեսակն է, վաճառվում է աճուրդներում ու զույգի գինը կարող է հասնել 20000 ԱՄՆ դոլարի։

11.  Աշխարհում վաճառվող սեխի 25%-ը աճեցվում է Չինաստանում։ Այդ երկրում տարեկան արտադրվում է 8 միլիոն տոննա սեխ։

12.  Սեխի բոլոր մասերը, ներառյալ սերմերը, տերևները և արմատները, օգտագործվում են չինական ավանդական բժշկության մեջ։