6 ԻՐԱԿԱՆ ՓԱՍՏ QUEEN-Ի ՄԱՍԻՆ

2018-11-05 13:53:00

Հոկտեմբերի 31-ին ԿԻՆՈՊԱՐԿ-ում տեղի ունեցավ ԲՈՀԵՄԱԿԱՆ ՌԱՊՍՈԴԻԱ ֆիլմի պրեմիերան: Երաժշտասերների համար սա լավ առիթ է վերհիշելու QUEEN խմբի պատմությունը կամ ծանոթանալու 20-րդ դարի լավագույն ռոք խմբերից մեկին: Թողարկումից հետո այս ֆիլմը դարձել է շաբաթվա դրամարկղային ռեկորդակիրն ամբողջ աշխարհում, իսկ ամենատարբեր երաժշտական պորտալներում ամենաշատ լսված խումբը նորից QUEEN-ն է:

 

 

 

 

 

 

 

 

 

 

Սակայն գեղարվեստական ֆիլմերը փաստավավերագրական կամ ոչ խաղարկային ֆիլմերից տարբերվում են նրանով, որ այնտեղ երբեմն փաստերը խեղաթյուրվում են: 

ՄԵԳԱՊՈԼԻՍ-ը ներկայացնում է ԲՈՀԵՄԱԿԱՆ ՌԱՊՍՈԴԻԱ ֆիլմում խեղաթյուրված 6 նշանակալի փաստերը:

 

1. Ֆիլմում Ֆրեդի Մերքյուրին հանդիպում է Բրայան Մեյին ու Ռոջեր Թեյլորին, երբ նրանք որպես ՍՄԱՅԼ հանդես էին գալիս ակումբներից մեկում ու, խմբի վոկալիստ Թիմ Սթեֆըլի խումբը լքելուց հետո, նրանց իր ծառայություններ է առաջարկում որպես երգերի հեղինակ ու կատարող:

 

 

 

 

 

 

 

 

 

 

Իրականում Ֆրեդի Մերքյուրին ու Թիմ Սթեֆըլը Արվեստի քոլեջում ուսանելու ժամանակ ընկերներ էին. ու հենց Թիմն է 1969-ին Ֆրեդիին ծանոթացրել Բրայան Մեյի ու Ռոջեր Թեյլորի հետ: 1970-ին, երբ Սթաֆելը հեռացել է ՍՄԱՅԼ-ից հենց ինքն էլ առաջարկել է Ֆրեդիի թեկնածությունն իր տեղում, որովհետև կարծիում էր, թե լավ է երգում:

2. Ֆիլմում 1980-ին ստուդիայում Բրայան Մեյը  խմբի մյուս անդամներին ասում է՝ մի կատարման գաղափար ունի, որը We will rock you երգն էր: Հետո ցուցադրվում է, որ խումբն այն ներկայացնում է Մեդիսոն Սքուեը Գարդենում:

 

 

 

 

 

 

 

 

 

 

Իրականում We will rock you երգը ստեղծվել է մի քանի տարի վաղ ու տեղ է գտել խմբի NEWS OF THE WORLD ալբոմում, որը թողարկվել է 1977-ին:

Ու չնայած ֆիլմում սա վերագրվում էր 1980-ին թվականին, ու կինոմանները տեսնում են բեղերով Ֆրեդիին, իրականում այդ ժամանակ Ֆրեդին դեռ բեղեր չուներ:

3. Ֆիլմում մենք տեսնում ենք տեսարան, որտեղ Ֆրեդի Մերքյուրին հայտարարում է սոլո կարիերայով զբաղվելու մասին, ինչև ենթադրում էր, որ խումբը ցրվելու է, ինչից էլ դժգոհում էին մյուս անդամները:

 

 

 

 

 

 

 

 

 

 

Իրականում, ըստ Բրայան Մեյի, բոլորն էլ բազմաթիվ անգամներ ցանկացել են հեռանալ խմբից, ու Ֆրեդին առաջինը չէր: Ինչ վերաբերում է սոլո ալբոմներին QUEEN -ից առաջինը սոլո ալբոմ թողարկել է Ռոջեր Թեյլորը 1980 -1981-ին , իսկ 1983-ին. երբ խումբը որոշեց հանգստանալ ու կենդանի ելույթներ չունենալ, նրանք միևնույն է թողարկեցին THE WORKS ալբոմը: Նույն թվականին թողարկվեցին Ռոջեր Թեյլորի երկրորդ ու Բրայան Մեյի առաջին սոլո ալբոմները: Ֆրեդին սոլո սինգլներ ու ալբոմներ թողարկել է ավելի ուշ:

 4. Ֆիլմում QUEEN-ը վերամիավորվում է LIVE AID-ին ելույթ ունենալու նպատակով ու այնտեղ հնչում է՝ այսքան ժամանակ հանդես չգալ ու միասին ելույթ ունենալ միլիոնավոր հանդիսատեսի առաջ ինքնասպանություն է արտահայտությունը:

 

 

 

 

 

 

 

 

 

 

Իրականում  1984-ի օգոստոսից մինչև 1985-ի մայիսը խումբը համերգային շրջագայություն էր ունեցել  THE WORKS ալբոմի գովազդային արշավի շրջանակներում: Այսինքն ելույթը ամենևին էլ երկար դադարին չէր հաջորդում: Ֆիլմը ստեղծողները այս փոփոխությունը կատարել են LIVE AID -ի ելույթին մեծ նշանակություն տալու համար:

5. Ֆիլմում Ֆրեդի Մերքյուրին հայտնում է իր ՄԻԱՎ վարակակիր լինելու մասին Live Aid-ի համերգից առաջ 1985-ի կեսերին:

 

 

 

 

 

 

 

 

 

 

Իրականում Մերկյուրին իր հիվանդ լինելու մասին իմացել է 1987-ին ու ընկերներին ասել է քիչ ավելի ուշ:  Փոփոխությունը կրկին արվել է ֆիլմում LIVE AID -ի ելույթը որպես խմբի խոշորագույն իրադարձություն ներկայացնելու համար:

6. Ֆիլմում Ֆրեդի Մերքյուրիի աչքերը երկնագույն են:

 

 

 

 

 

 

 

 

 

 

Իրականում Ֆրեդիի աչքերը շագանակագույն են:

Դիտեք ԲՈՀԵՄԱԿԱՆ ՌԱՊՍՈԴԻԱ ֆիլմը, իսկ եթե ցանկանաք այլ մանրամասներ էլ իմանալ խմբի ու Ֆրեդի Մերքյուրիի մասին համացանցում գտեք ու դիտեք The Freddie Mercury Story: Who Wants To Live Forever ոչ խաղարկային ֆիլմը:

 




Շոու-բիզնես

ՔԱՆՅԵՆ ՈՒ ՔԻՄԸ ՀԱ՞Յ ԵՐԵԽԱ ԿՈՒՆԵՆԱՆ

Կան լուրեր, որոնց իսկությանը չես հավատա մինչև դրանք իրականություն չդառնան: Մանավանդ, որ նմանատիպ մի լուր տարածվել էր նաև Անջելինա Ջոլիի անվան հետ կապված:

Ավելին »