Եթե սկսեմ դատի տալ նրա համար, թե ինչ են գրում իմ մասին, խայտառակություն կլինի. Արթուր Վանեցյան

2019-03-22 14:10:37

 

Իմ ընտանիքը որեւէ կապ չունի բենզինի ու նավթամթերքի շուկայի հետ: Այս մասին այսօր ԱԺ-ում լրագրողների հարցին ի պատասխան ասաց ԱԱԾ տնօրեն Արթուր Վանեցյանը։ «Եթե ես սկսեմ իմ մասին, ինչ գրում են դատի տալ մարդկանց, խայտառակություն կլինի։ Ես հերքում եմ այդ նյութը եւ խորհուրդ կտամ այդ լրատվամիջոցին եւս հերքումով հանդես գալ, որովհետեւ ուղղակի օգտագործել իմ անունը, որպեսզի իրենց նյութը շատ կարդացվի, ուղղակի ամոթալի է։ Իմ ընտանիքը որեւէ կապ չունի բենզինի եւ նավթամթերքի շուկայի հետ»,- ասաց Վանեցյանը: Ավելի վաղ Իրատես» թերթը գրել էր. «Մեր տեղեկություններով` ԱԱԾ ղեկավար Արթուր Վանեցյանը բենզինի բիզնեսում մասնաբաժին ունի, եւ ահա Նիկոլ Փաշինյանի կառավարությունը նրան առաջարկել է դուրս գալ այդ ոլորտից, որպեսզի նոր խաղացողներ հայտնվեն այնտեղ»: